2021 წელი ტურიზმის სექტორში 93.6%-იანი ვარდნით დაიწყო

2021 წელი ტურიზმის სექტორში 93.6%-იანი ვარდნით დაიწყო.

იანვარში საქართველოში საერთაშორისო ვიზიტორების 33 765 ვიზიტი განხორციელდა, მაშინ როდესაც 2020 წლის იანვარში, ქვეყანაში უხოელი ვიზიტორების 523 689 ვიზიტი შედგა.

ტოპ 10 ქვეყანა, საიდანაც ტურისტები ჩამოვიდნენ:

თურქეთი - 14 500 / კლება 80.7%

არარეზიდენტი ქართველები - 5732 / კლება 88.7%

სომხეთი - 3 875 / კლება 95.8%

აზერბაიჯანი - 3 138 / კლება 97.5%

რუსეთი - 1 916 / კლება 97,8%

უზბეკეთი - 1291 / მატება 13.7%

უკრაინა - 626 / კლება 95.1%

ყაზახეთი - 385 / კლება 91.6%

ბელარუსი - 310 / კლება 87.6%

ტაჯიკეთი - 255 / კლება 47.3%

აღსანიშნავია, რომ ევროპის ქვეყნებიდან ვიზიტორების რაოდენობა 94%-ით არის შემცირებული, სულ გასულ თვეში საქართველოში ევროპიდან 27 637 ვიზიტი განხორციელდა, 2020 წელს ეს მაჩვენებელი 435 921-ზე მეტი იყო.

ტურიზმის აღდგენას საქართველოს ეკონომიკისთვის დიდი მნიშვნელობა აქვს. პანდემიამდე ქვეყანაში ტურიზმის დარგი 3 მილიარდი დოლარის გენერირებას ახდენდა.

სექტორის აღდგენის გარეშე ეკონომიკის ზრდის მიმართ დადებითი მოლოდინები არ არის.