საქართველო აშშ-სგან JAVELIN-ებს შეიძენს

საქართველო ამერიკის შეერთებული შტატებისგან დამატებით JAVELIN-ებს შეიძენს.

თავდაცვის სამინისტრომ ახალი ტანკსაწინააღმდეგო გადასატანი სარაკეტო სისტემა JAVELIN-ის გამარტივებულ შესყიდვაზე ნებართვა უკვე მიიღო. შესყიდვის ღირებულება 26.24 მლნ დოლარამდეა.

დაფინანსება მოხდება ამერიკის შეერთებული შტატების მიერ გამოყოფილი, სხვადასხვა ანგარიშებზე დარჩენილი თანხებით და სახელმწიფო ბიუჯეტიდან გადარიცხული თანხებით. შესყიდვა 2026 წლამდე განხორციელდება.

შეგახსენებთ, თავდაცვის სამინისტრომ ჯავშანსაწინააღმდეგო შესაძლებლობის გაუმჯობესების მიზნით ჯაველინის სისტემის შეძენა 2019 წელსაც განახორციელა და თავდაცვის ძალების შესაბამისი ქვედანაყოფის გადაიარაღება მოახდინა.