ტექნოლოგიები
27/12/2021

5G ქსელის დანერგვის ლიცენზიებზე აუქციონი 2022 წლის პირველ კვარტალში გამოცხადდება

5G ქსელის დასანერგად ლიცენზიების გასაცემად აუქციონები მომავალი წლის პირველ კვარტალში გამოცხადდება.

აუქციონზე 4 სიხშირე გამოვა და საწყის ფასზე 80%-მდე ფასდაკლებით გაიყიდება.  

„დღეს დარჩენილია პროცედურული საკითხები. ვფიქრობთ, მომავალი წლის პირველი კვარტალი საკმარისი იქნება იმისთვის რომ შევძლოთ აუქციონების გამოცხადება.  ლიცენზიებზე ფასდაკლება 80%-მდეა შესაძლებელი. კონკრეტული განაკვეთი, ვიდრე აუქციონი არ გამოცხადდება ვერ იქნება დადგენილი, თუმცა, მაქსიმალურად შეგვიძლია გამოვიყენოთ, მათ შორის 80%-იანი ფასდაკლებაც“, - განაცხადა კომუნიკაციების კომისიის წევრმა ეკატერინე იმედაძემ „ბიზნესპარტნიორის“ ეთერში.

კომუნიკაციების კომისიის წევრის განმარტებით, გამარჯვებულ კომპანიას მიეცემა 7 წლის ვადა არეალის დაფარვისთვის: ეს მოიცავს ქალაქების, საკურორტო ზონების, გზებისა თუ რკინიგზის დაფარვის კონკრეტულ ვალდებულებებს.  

„დაფარვის დაგეგმვისთვის ვიხელმძღვანელეთ მსგავსი პატარა, მთა-გორიანი ქვეყნების გამოცდილებით, სადაც გაშვებულია 5G ქსელი ან ლიცენზია არის გაცემული. ვალდებულება განაწილებულია 7 წელიწადზე, მაგრამ ამ ნაწილშიც ღია ვართ და ვაგრძელებთ თანამშრომლობას, მათ შორის ოპერატორებთან, რომ თუკი არსებობს საჭიროება ამ 7-წლიანი გეგმის კორექტირების, ამისათვის მზად ვართ“, - განაცხადა ეკატერინე იმედაძემ და აღნიშნა, რომ როგორც წესი, 3 წლიანი პერიოდის განმავლობაში ჩატარებული სამუშაოების კომერციალიზაცია წაახალისებს ოპერატორებს დაფარვა უფრო სწრაფად განახორციელონ. 

კომუნიკაციების კომისიის წევრის თქმით, ოპერატორების მხრიდან ინტერესი არსებობს და მათთან მუშაობა გრძელდება. 

Businesspartner

მთავარი სიახლეები

ბიზნესი

"2024 წლიდან 1 უნცია ოქროს ფასი, შესაძლოა, $1800-მდე შემცირდეს"
01

18/07/2023
ბიზნესი

კალმახი თუ შავი ზღვის ორაგული - მარკეტინგული ხრიკები თევზის ბაზარზე
02

18/05/2022
ბიზნესი

ფიზიკური პირებისთვის უძრავი ქონების გაყიდვის შემთხვევაში, გადასახადის გადახდის დრო დაჩქარდება
03

19/05/2023
ბიზნესი

Lafreeo– ქართული ბრენდი, რომელიც ტიხრული მინანქრის ტრადიციას აგრძელებს
04

25/07/2022
ბიზნესი

"ის, რაც სხვისთვის "ნაგავია" ჩემთვის მთავარი ნედლეულია" - ნარჩენებით შექმნილი პროდუქციის ისტორია
05

04/07/2022
ბიზნესი

ექსპორტიორები ქუთაისის საერთაშორიო აეროპორტში სატვირთო  ტერმინალის ამოქმედების საჭიროებაზე საუბრობენ
06

02/11/2023