ვაშინგტონის შტატის სახელმწიფო ხაზინის ხელმძღვანელი ქართველ წარმატებულ სტარტაპებს შეხვდა
ვაშინგტონის შტატის სახელმწიფო ხაზინის ხელმძღვანელი სტუმრად ტექნოპარკში
საქართველოს ინოვაციების და ტექნოლოგიების სააგენტომ ტექნოპარკში ვაშინგტონის შტატის სახელმწიფო ხაზინის ხელმძღვანელს უმასპინძლა. მაიკლ ბაუმგართნერს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი და საქართველოს ინოვაციების და ტექნოლოგიების სააგენტოს თავმჯდომარე ავთანდილ კასრაძე შეხვდნენ.
შეხვედრა მსოფლიო ბანკისა და საქართველოს მთავრობას შორის თანამშრომლობის ფარგლებში ერთობლივი პროექტების წარმატებით განხორციელებას ემსახურებოდა. მსოფლიო ბანკის მიერ დაფინანსებული პროექტი GENIE ხელს უწყობს ქვეყანაში ინოვაციური ბიზნეს იდეების განხორციელებას.
ტექნოპარკის დათვალიერების შემდგომ მაიკლ ბაუმგართნერი ქართველ წარმატებულ სტარტაპებს (ქარუ, კრიპტეს აი ქიუ, ფაბერი, ბიოქიმფარმი, ელვენ ტექნოლოჯი) შეხვდა და მათ საქმიანობას პირადად გაეცნო.
