სტარტაპი Agrolabs-ი მომავალი წლისთვის ევროპის ბაზარზე გასვლას გეგმავს

სტარტაპი Agrolabs, რომელიც სათბურში მომუშავე ფერმერებს უახლეს ტექნოლოგიას სთავაზობს, მომავალი წლისთვის ევროპის ბაზარზე გასვლას გეგმავს.

სტარტაპი ფერმერებს ყოველდღიური რუტინული სამუშაოს ავტომტიზაციასა და გაციფრულებაში ეხმარება. კომპანიის Wireless სენსორები სპეციალურად სათბურისთვისაა შექმნილი, რომელსაც ალგორითმი მართავს და მცენარეებისგან მიღებულ ინფორმაციას ლაივ რეჟიმში აანალიზებს.

Agrlabs-ის გუნდი ამჟამად თანადამფუძნებლების, ინჟინრების, აგრონომებისა და პროგრამული უზრუნველყოფის თანამშრომლებისგან შედგება, თუმცა სტარტაპი სამომავლოდ საკუთარი გუნდისთვის მონაცემთა ანალიზის სპეციალისტების დამატებასაც გეგმავს.

როგორც სტარტაპის ერთ-ერთმა თანადამფუძნებელმა, მაქსიმ გორინოვმა „ბიზნესპარტნიორთან“ საუბარში აღნიშნა, სტარტაპი ევროპის ბაზრის ათვისების შემდეგ აზიისა და აშშ-ს ბაზრებზე გასვლასა და წარმოების გაზრდას გეგმავს. ამასთან, სამომავლოდ სტარტაპი, Agrolabs -ის შეთავაზებას მცირე ზომისა და ინდივიდუალური ფერმერებისთვისაც გეგმავს.

„ჩვენ ვეხმარებით ფერმერებს გააუმჯობესონ მინდვრები და გაზარდონ მოსავლიანობა. მათ რესურსის დაზოგვისა და პროცესების გამარტივების საშუალებას ვაძლევთ. ვფიქრობ, 500 სტარტაპის ბორტზე ყოფნა კვალიფიკაციის ამაღლებაში დაგვეხმარება, რათა უფრო ხარისხიანი და სწრაფი სერვისი შევთავაზოთ გაყიდვების სფეროში. ამასთან, ძლიერი სიგნალი იქნება ჩვენი პოტენციური ინვესტორებისთვისაც,“ - ამბობს Agrolabs -ის თანადამფუძნებელი, მიხაელ ლაზარენკო.

ცნობისთვის, Agrolabs ბაზარზე 3 წლის წინ გამოჩნდა. ამ ეტაპზე კომპანია 10 ადამიანს ასაქმებს. სტარტაპის განვითარებაში კი უკვე $150 000-ზე მეტია დახარჯული