Payze-მა Y Combinator-ის მხარდაჭერა მოიპოვა
კომპანია Payze-მა Y Combinator-ის მხარდაჭერა მოიპოვა. ის პირველი ქართული სტარტაპია, რომელსაც მსოფლიოში ყველაზე ცნობილი ბიზნეს აქსელერატორის მხარდაჭერა აქვს.
"ფეიზი არის პირველი ქართული სტარტაპი, რომელმაც Y Combinator-ის მხარდაჭერა მოიპოვა!
Y Combinator მსოფლიოში ყველაზე ცნობილი ბიზნეს აქსელერატორია , რომელიც კომპანიებს ბიზნეს მოდელისა და სერვისის დახვეწაში ეხმარება. აღნიშნული პლატფორმა ისეთი კომპანიების ინვესტორია, როგორებიცაა: Stripe, Dropbox, Coinbase, Twitch და ა.შ.
მადლობა ყველას, ვინც ამ თავგადასავალის განმავლობაში მხარს გვიჭერდით", - წერს სტარტაპი სოციალურ ქსელში.
Payze არის უნივერსალური გადახდის მომსახურების პროვაიდერი, რომელიც ეხმარება ნებისმიერი ტიპის ელექტრონულ კომერციულ პლატფორმას ონლაინ გადახდების განხორციელებაში.
სტარტაპი 500 Startups-ის მეორე ნაკადის გამარჯვებულია, ის ასევე არის არაერთი ჯილდოსა დაგრანტის მფლობელი, მათ შორის მოპოვებული აქვს GITA-ს გრანტი, ასევე Visa Everry Initiative-ის ჯილდო.
