Maingift.store - კარიკატურებით შექმნილი საჩუქრები
Maingift.store-ი ახალ შექმნილი კომპანიაა, რომელიც პერსონიფიცირებულ ილუსტრაციებს მომხმარებლისგან მიღებული ინფორმაციით ამზადებს, სადაც პერსონაჟები მაქსიმალურადაა მიმსგავსებული დამკვეთთან.
როგორც Maingift.store-ის თანადამფუძნებელი ნანა კოლოტაური ამბობს, კომპანიას სულ ახალი დაწყებული ჰქონდა საქმიანობა, როდესაც პანდემიის გამო კარანტინი გამოცხადდა.
"უამრავი ადამიანი ფიქრობდა, რომ საყვარელი ადამიანის გახარებას ვერ შეძლებდა, მაგრამ კარანტინს ჩვენ სრული მზადყოფნით შევხვდით, არ გვქონია არც ერთი დღით შეფერხება, პირიქით, ყოველდღიურად უამრავ შეკვეთებს ვიღებდით. დროის უმოკლეს პერიოდში კი ვაგზავნიდით ყველა წესის დაცვით,“ – აღნიშნავს ნანა კოლოტაური.
კომპანიის წარმომადგენლის თქმით, პანდემიის გამო, ამ ეტაპზე მოლაპარაკებებს არ აწარმოებენ, თუმცა სამომავლოდ ბევრ სიახლესა და განსხვავებულ საჩუქრებს შესთავაზებს მომხმარებელს.
პროექტის ინვესტიცია საკმაოდ მაღალი იყო, რადგანაც ყველაფრის დაფარვა გვიწევდა საკუთარი ხარჯებით, მაგრამ ჩვენმა წამოწყებამ გაამართლა. არ გვყავს თანამშრომელები, ყველა შეტყობინებას ვპასუხობთ ჩვენ, რადგან გვინდა მაქსიმალური სიახლოვე გვქონდეს მომხმარებელთან, რომ თავი საიმედოდ და კომფორტულად იგრძნონ,“ – აღნიშნავს თანადამფუძნებელი ანი ვაზაგაშვილი.
