სტარტაპი
05/06/2023

ქართული სტარტაპის პირველი საერთაშორისო ექსპანსია - "ბილიკი" ბალტიისპირეთის ბაზარზე შევიდა

ტურისტული მარშრუტების გლობალური საბაზრო სივრცე ბილიკი, მისი დაარსებიდან პირველად, ოფიციალურად გავიდა საერთაშორისო ბაზარზე. საწყის ეტაპზე, აპლიკაციაში ბალტიისპირეთის სამივე ქვეყანის - ლიეტუვას, ლატვიისა და ესტონეთის სათავგადასავლო ტურები განთავსდება.

ბალტიისპირეთის მხრიდან ბილიკის პარტნიორი ტურისტული ორგანიზაცია Baltic Trails-ი გახდა, რომლის ქოლგის ქვეშ გაერთიანებულია 15 ადგილობრივი ორგანიზაცია და კომპანია.

Baltic Trails-სთან გაფორმებული თანამშრომლობის მემორანდუმის საფუძველზე ბილიკში განთავსდება 3560 კმ სიგრძის 176 ციფრული მარკირებული ტური. თითოეული მათგანი დაყოფილია სირთულის მიხედვით, მოიცავს როგორც მარტივ, ასევე საშუალო და რთულ სალაშქრო-სათავგადასავლო მიმართულებებს, რომლებიც გამდიდრებულია დეტალური ტექსტური ინფორმაციით, ფოტო მასალით, რჩევებითა და რეკომენდაციებით.

პარტნიორობა მიზნად ისახავს ოთხი ქვეყნის ტურისტული რესურსებისა და მარშრუტების პოპულარიზაციას, ჩვენი ქვეყნების თანამშრომლობის გაღრმავებას ტურისტული მიმართულებით და მეტი საერთაშორისო ტურისტის მოზიდვას ბალტიის პირეთსა და საქართველოში.

Baltic Trails არის ევროკავშირის ფარგლებში არსებული “ევროკავშირის მოლაშქრეთა ასოციაციის” მიერ მხარდაჭერილი ორგანიზაცია, რომელიც ხელს უწყობს მოცემულ რეგიონში მდგრადი ტურიზმის განვითარებას, ტურისტული პოტენციალის გაზრდას და ველური ბუნების პოპულარიზაციას.

 

Businesspartner

მთავარი სიახლეები

ბიზნესი

რა კომპანიებში ფლობს წილს ხვიჩა მაქაცარია, რომელმაც “თელასის“ 24.5%-იანი წილი იყიდა
01

09/09/2020
ბიზნესი

"პასკა გემუანი" დიაბეტურ საკონდიტრო ნაწარმს გამოუშვებს
02

30/04/2021
ეკონომიკა

საქართველოსა და კორეას შორის თავისუფალ ვაჭრობაზე მოლაპარაკებები 2024 წლის თებერვალში გაიმართება
03

03/11/2023
მსოფლიო

გამოუყენებელი სატელიტური ანტენები შვეიცარიაში მზის გიგანტურ პანელებად გადააკეთეს
04

23/10/2023
სოფლის მეურნეობა

"ქვეყანას ბოსტენეულის წარმოებაში იმპორტის ჩანაცვლების პოტენციალი გააჩნია"
05

03/11/2023
ეკონომიკა

ირაკლი ღარიბაშვილი: 2024 წლის ბიუჯეტში, 5%-იანი ეკონომიკური ზრდა გვაქვს გათვალისწინებული
06

03/11/2023