Schuchmann Wines Chateau, Villas & SPA კიდევ ერთ შატოს გახსნის

Schuchmann Wines Chateau, Villas & SPA საქართველოში კიდევ ერთ შატოს გახსნის.

როგორც Schuchmann Wines Chateau-ს გენერალურმა დირექტორმა ნუცა აბრამიშვილმა გადაცემაშ „ბიზნესპარტნიორი“ განაცხადა, ახალ პროექტზე აქტიური მუშაობა მიმდინარეობს.

„საინვესტიციო მიმართულებით ჩვენი გეგმები არ შეცვლილა, პირიქით, დავაჩქარეთ გარკვეული პროექტების რიგითობა, მოვლენების გადაფასების გამო. საუბარია ჩვენი ბრენდის სხვადასხვა რეგიონში წარდგენაზე - იქ სადაც ნაკლებად განვითარებული ტურისტული ინფრასტრუქტურაა“, - აღნიშნა ნუცა აბრამიშვილმა.

მისი თქმით, კახეთში არსებული  კონცეფციის ახალი შატო დასავლეთ საქართველოში გაიხსნება.

„ეს არის ზუსტად ჩვენი კონცეფციის გამეორება, ღვინის, გასტრონომიისა და სპის მიმართულებით. ჩვენი მიზანია ტურისტულად ნაკლებად განვითარებულ  რეგიონებში Schuchmann -ის ბრენდის წარდგენა. კონცეფციას ვინარჩუნებთ. ჩვენი ამოსავალი არის ღვინო და მეღვინეობა, საქართველო არის 8000 წლიანი ტრადიციის ქვეყანა, ყველა რეგიონი იძლევა იმის საშუალებას, რომ  ღვინოც გავიმეოროთ“, - აცხადებს ნუცა აბრამიშვილი.