საქმიანი ეზო სამცხე-ჯავახეთიც მოეწყობა
იმერეთისა და კახეთის შემდეგ, „საქმიანი ეზოს“ მოწყობის სამუშაოებმა სამცხე-ჯავახეთის რეგიონში გადაინაცვლა.
„საქმიანი ეზო“ ადიგენის მუნიციპალიტეტში, სოფელ ჩორჩანში გახსნა. სამუშაოები თითქმის დასრულებულია ასპინძაში, წაღვერში, ბორჯომსა და ბაკურიანშიც.
„საქმიანი ეზოს“ მოწყობის აუცილებლობა ეროვნული სატყეო სააგენტო ხე-ტყის დამზადების პრაქტიკას ცვლის გამო დადგა. სოციალური ჭრები ეტაპობრივად გაუქმდება და სააგენტო ხე-ტყის დამზადებას, დახარისხებასა და დასაწყობებას ორგანიზებულად ე.წ. „საქმიან ეზოებში“ განახორციელებს. მათი ვარაუდით, აღნიშნული ცვლილება გაუადვილებს მოსახლეობას და კერძო სექტორს ხე-ტყის შეძენას და ტრანსპორტირებას მათთვის სასურველ პერიოდში.
აღსანიშნავია, რომ ტყის ახალი კოდექსი, რომელიც საქართველოს პარლამენტმა უკვე დაამტკიცა, სატყეო სექტორის რეფორმის მნიშვნელოვან ნაწილს წარმოადგენს, რომლის მთავარი მიზანია მრავალმიზნობრივი ტყითსარგებლობის დამკვიდრება, ტყის ეკოსისტემების შენარჩუნება და დაცვა, სოციალური და ეკონომიკური სარგებლის გონივრული გამოყენება. ე.წ „საქმიანი ეზოს“ მოწყობა, კოდექსით გათვალისწინებულ სხვა საკითხებთან ერთად, ტყის მდგრადი მართვის დანერგვის ერთ-ერთ მთავარ ინსტრუმენტს წარმოადგენს.
„საქმიანი ეზოს“ მოწყობისთვის სამუშაოები უკვე დასრულებულია 13 ობიექტზე. წლის ბოლომდე, ქვეყნის მასშტაბით, სულ 26 „საქმიანი ეზო“ მოეწყობა. შედეგად, მერქნული რესურსის დამზადების მიზნით, ტყითსარგებლობა განხორციელდება გაცილებით ეფექტიანად, შემცირდება უკანონო ჭრები და ტყეზე უარყოფითი გავლენა.
