საქართველოში ცხვრის რაოდენობა შემცირდა

საქართველოს სოფლის მეურნეობაში მეცხოველეობის სფეროში ცხვრისა და თხის რაოდენობა შემცირდა. მცირედით შემცირდა აგრეთვე ღორის რაოდენობა.

საქსტატის წინასწარი მონაცემებით, 2020 წლის ბოლოს ცხვრისა და თხის ჯამური რაოდენობა 11%-ით შემცირდა და 793 000 სული შეადგინა. ღორის რაოდენობა 155 000 სული იყო, რაც 0.2%-ით ჩამორჩება წინა წლის მაჩვენებელს.

ზრდა ფიქსირდება მსხვილფეხა რქოსან პირუტყვში, რომლის სულადობამ 923 000 სული შეაგინა, რაც წინა წლის მონაცემზე 6.2%-ით მეტია. აქედან ფურისა და ფურკამეჩის ჯამური ოდენობა 449 000 სულით განისაზღვრა, რაც წინა წლის ანალოგიურ მაჩვენებელს 1.7%-ით აღემატება.

რაც შეეხება ფრინველს, მისმა რაოდენობამ 9 მილიონზე მეტი ფრთა შეადგინა, რაც წინა წლის ანალოგიურ მაჩვენებელს 4.7%-ით აღემატება.