საქართველოში ცხვრის რაოდენობა 26%-ით შემცირდა

მეცხოველეობის სფეროში ვარდნაა. ქვეყანაში შემცირებულია ღორის რაოდენობა, შემცირებულია ფრინველის რაოდენობაც, ზრდა მხოლოდ მსხვილფეხა პირუტყვის რიცხოვნებაშია და ისიც მცირედი.

ყველაზე მეტი კლება კი ცხვრისა და თხის რაოდენობაშია. ცხვრისა და თხის ჯამური რაოდენობა 2021 წლის III კვარტალის ბოლოსათვის წინა წლის ანალოგიურ პერიოდთან შედარებით 26%-ით შემცირდა და ქვეყანაში ფერმერებს სულ 764 600 სული ცხვარი და თხა ჰყავთ.

მსხვილფეხა რქოსანი პირუტყვის სულადობა წინა წლის შესაბამის მაჩვენებელთან შედარებით 0.7%-ით გაიზარდა, 972 200-მდე. აქედან, ფურისა და ფურკამეჩის რაოდენობა 441 700-ია (-3.2%).

ღორის რაოდენობა 233 000 სულია, 8.3%-ით ნაკლები წინა წლის შესაბამის მაჩვენებელზე. ფრინველის რაოდენობა წინა წლის ანალოგიურ მაჩვენებელთან შედარებით 13.4%-ით  არის შემცირებული და 10.3 მლნ ფრთაა.