საქართველოში ცხვრის რაოდენობა 23%-ით შემცირდა

საქართველოში ცხვრის რაოდენობა შემცირდა.

2022 წლის მეორე კვარტლის ბოლოსთვის ფერმერებს 954 600 სულ ცხვარი და თხა ჰყავთ, რაც 23%-ით ნაკლებია 2021 წლის ანალოგიურ პერიოდთან შედარებით.

წლის პირველ ნახევარში მნიშვნელოვნად არის შემცირებული ქართული ცხვრის ექსპორტი. საქსტატის მონაცემებით, მთლიანობაში საანგარიშო პერიოდში ექსპორტზე 6,352 მლნ დოლარის (1 913 ტონა) ცოცხალი ცხვარი გავიდა, რაც წლიურად 25.6%-იან ვარდნას ნიშნავს.

აღსანიშნავია, რომ ქართული ცხვრის ექსპორტის ძირითადი საექსპორტო ბაზარი საუდის არაბეთია. სწორედ აქ იყიდება ქართული საექსპორტო ცხვრის 40%. საექსპორტო ქვეყნებს შორის მეორე ადგილზეა აზერბაიჯანია 22%-იანი წილით, მესამე პოზიციაზე კი იორდანიაა (17.5%). მნიშვნელოვანია, რომ საქართველოდან იორდანიაში ცოცხალი ცხოველებისა და ხორცის ექსპორტი 2021 წელს განახლდა. იორდანიამ საქართველოს ბაზარი სომხური ცხვრის გამო 2015 წელს დაუკეტა, მიზეზი ის იყო რომ იორდანიაში საქართველოდან სომხური ცხვარი შედიოდა, რამაც მთელი რიგი პრობლემები გამოიწვია.