სოფლის მეურნეობა
16/02/2021
საქართველოში რძის წარმოება გაიზარდა
საქართველოში, 2020 წელს რძის წარმოება გაიზარდა.
საქსტატის წინასწარი მონაცემებით, 2020 წლის ბოლოს რძის წარმოებამ 99 მილიონი ლიტრი შეადგინა, რაც წინა წლის ანალოგიურ მაჩვენებელზე 5.3%-ით მეტია.
2020 წლის რძის წარმოების წლიური მაჩვენებელი 572 მილიონი ლიტრით განისაზღვრა, რაც 1.9%-ით აღემატება 2019 წლის შედეგს.
რაც შეეხება ხორცის წლიურ მაჩვენებელს, 2020 წელს წარმოებამ 69 000 ტონა შეადგინა და წინა წლის მაჩვენებელს უტოლდება.
შემცირდა კვერცხის წარმოება, 2020 წლის ბოლოს მისი წარმოება 162 მილიონი ცალი იყო, რაც წინა წლის ანალოგიურ მაჩვენებელზე 10.3%-ით ნაკლებია.
2020 წელს კვერცხის წლიურმა წარმოებამ 645 მილიონი ცალი და 2019 წელთან შედარებით 2.4 %-ით ნაკლები შეადგინა.
