სოფლის მეურნეობა
17/03/2021
საქართველოში კენკრის ახალი სახეობის "ნატჩეზის" წარმოება დაიწყება
კენკრის მწარმოებელთა ასოციაცია საქართველოში „ნატჩეზის“ წარმოების დაწყებას გეგმავს.
ასოციაციის თავმჯდომარე იზოლდა ქიტესაშვილი ამბობს, რომ კენკროვანი კულტურის სახეობა მთელ მსოფლიოშია მოთხოვნადი. პირველ ეტაპზე პროდუქტი ნახევარ ჰექტრამდე ტერიტორიაზე დაირგვება.
სატესტო პერიოდის გავლის შემდეგ პროდუქტის მოყვანა უფრო ვრცელ ფართობებზე დაიწყება.
კენკრის ახალი ჯიშის გაშენება მას შემდეგ გადაწყდა, რაც პროდუქტის ექსპორტზე გატანის შესაძლებლობა გაჩნდა.
კენკრის მწარმოებელთა ასოციაცია მოლაპარაკებებს ბრიტანეთთან აწარმოებს. 1 კგ „ნატჩეზის“ ჯიშის მაყვლის საექსპორტო ფასი 15 დოლარია.
