საქართველოში ფრინველის რაოდენობა 9.2%–ით შემცირდა

საქსტატმა მეცხოველეობის შესახებ წინასწარი შედეგბი გამოაქვეყნა, რომლის მიხედვითაც კლების ტენდენცია დაფიქსირდა ცხვრის, თხის, ღორისა და ფრინველის სემთხვევაში.

კერძოდ, ცხვრისა და თხის რაოდენობა წინა წლის ანალოგიურ შედეგებთან შედარებით 5.6%–ით შემცირდა და 987 ათასი სული შეადგინა.

ასვე დაიკლო ღორის რაოდენობამ და 170.2 ათასით განისაზღვრა, რაც 2.6%–ით ნაკლებია წინა წლის შესაბამის მაჩვენებელზე.

ფრინველის რაოდენობა წინა წლის ანალოგიურ მაჩვენებელთან შედარებით 9.2%–ით შემცირდა და 10.3 მლნ ფრთა შედგინა.

უმნიშვნელო კლება დაფიქსირდა მსხვილფეხა პირუტყვის შემთხვევაში და 1 მლნ სული შეადგინა.

აქედან, ფურისა და ფურკამეჩის ჯამური რაოდენობა 468.5 ათასი სულით განისაზღვრა, რაც წინა წლის შესაბამისი მაჩვენებლის ტოლია.