სოფლის მეურნეობა
16/04/2021
საქართველომ ხორბლის წარმოების მხოლოდ 0.6%-ით გაზრდა შეძლო
საქართველოში ხორბლის წარმოება კვლავინდებურად დაბალ მაჩვენებელზეა.
2020 წელს ქვეყანამ 101.2 ათასი ტონა ხორბალი აწარმოა, რაც წლიურად მხოლოდ 0.6%-იანი ზრდაა.
შემცირებულია ქერის წარმოება 13.8%-ით და 2020 წელს 46.1 ათასი ტონა შეადგინა.
სამაგიეროდ რეკორდულ ნიშნულზეა სიმინდის წარმოება. 2020 წელს ქვეყანამ 263 ათასი ტონა სიმინდის წარმოება შეძლო, 2019 წლის მონაცემებთან შედარებით 27%-ით მეტი.
2020 წლის წინასწარი მონაცემებით, წინა წელთან შედარებით შემცირებულია ხორბლისა და ქერის საშუალო მოსავლიანობის მაჩვენებლები. გამოკვლევის შედეგების მიხედვით, ხორბლის საშუალო მოსავლიანობამ 2.2 ტონა/ჰა შეადგინა, ქერის საშუალო მოსავლიანობამ - 1.9 ტონა/ჰა, სიმინდის - 3.1 ტონა/ჰა.
