საქართველომ იორდანიაში ცოცხალი ცხოველებისა და ხორცის ექსპორტი დაიწყო
საქართველომ იორდანიაში ცოცხალი ცხოველებისა და ხორცის ექსპორტი დაიწყო.
სურსათის ეროვნული სააგენტოს მონაცემებით, წელს იორდანიაში უკვე 11 110 სული წვრილფეხა და 350 სული მსხვილფეხა პირუტყვი გავიდა.
სააგენტოს მონაცემებით, ქვეყნიდან ექსპორტზე პირველად 2021 წელს გავიდა იორდანიაში ხორციც.
სურსათის ეროვნული სააგენტოს უფროსის მოადგილის ვასილ ბასილაძის თქმით, იორდანიის ბაზარი ერთ-ერთი მიმზიდველია და მისი გახსნა კიდევ ერთი დადასტურებაა საქართველოს , როგორც ეპიზოოტიურად კეთილსაიმედო ქვეყნის იმიჯის და დამატებითი სტიმულია მეცხოველეობის დარგის განვითარებისთვის.
აღსანიშნავია, რომ 2021 წელს, აზერბაიჯანში, არაბთა გაერთიანებულ საამიროებში, საუდის არაბეთში, ქუვეითში, ომანში, ყატარში , ბაჰრეინსა და ერაყში 339 573 სული მსხვილფეხა და წვრილფეხა პირუტყვის ექსპორტი განხორციელდა.
