საქართველო ცოცხალი ცხოველებისა და ხორცის ექსპორტზე მოლაპარაკებებს ისრაელთან აწარმოებს
საქართველო ცოცხალი ცხოველების და ხორცის ექსპორტზე მოლაპარაკებებს ისრაელთან აწარმოებს.
მეცხვარეთა ასოციაციის თავმჯდომარე ბექა გონაშვილი იმედს გამოთქვამს, რომ ამ ქვეყნის ბაზრის ათვისება მოხდება.
რაც შეეხება ამ ეტაპზე არსებულ სიტუაციას, საქართველოს რამდენიმე საერთაშორისო ბაზარი აქვს ათვისებული.
როგორც ბექა გონაშვილი „ბიზნესპარტნიორთან“ აცხადებს, ძირითადად მსხვილფეხა რქოსანი პირუტყვის ექსპორტზე ერაყში გადის, თუმცა ბოლო პერიოდში მსხვილფეხა რქოსანი პირუტყვი გადის ეგვიპტესა და ლიბიაში. რაც შეეხება ცხვარს, საქართველო ძირითადად დამოკიდებულია საუდის არაბეთზე, რომელიც ბოლო წლების განმავლობაში ძირითადი შემსყიდველი იყო. პირუტყვი გადის აგრეთვე ლიბანში. რამდენიმე რეისი შესრულდა ქუვეითსა და დუბაიში.
„ამ კუთხით საამაყო მდგომარეობა არ გვაქვს. ჩემი აზრით მეტია გასაკეთებელი, რომ უფრო მეტ ბაზარზე გავიდეთ“, - აღნიშნა ბექა გონაშვილმა.
მისი ინფორმაციით, ცხვრის ხორცი სტაბილურად გადის დუბაიში, ქუვეითსა და ყატარში.
„ამ კუთხით, ნორმალური მდგომარეობაა. წინა წელს, პანდემიის გამო ამ პერიოდში უფრო მეტი ცხვარი დარჩა გასაყიდი“, - აღნიშნა ბექა გონაშვილმა.
