რთველზე 20 000-მა მევენახემ ყურძნის რეალიზაციიდან ₾220 მლნ-ის შემოსავალი მიიღო

კახეთში 200 000 ტონაზე მეტი ყურძენია გადამუშავებული გადამუშავებული.

გარემოს დაცვისა და სოფლის მეურნეობის სამინისტროს ცნობით, მოსავლის ძირითადი ნაწილი უკვე რეალიზებულია.

20 000-მდე მევენახემ ყურძნის რეალიზაციით 220 მლნ ლარზე მეტი შემოსავალი მიიღო.

გადამუშავებული ყურძნიდან 118 000 ტონამდე რქაწითელია, 72 000 ტონამდე საფერავი, 4 400 ტონამდე კახური მწვანე, დანარჩენი სხვადასხვა ჯიშის ყურძენია.

ყურძნის გადამუშავების პროცესში რთველის დაწყებიდან დღემდე 220 დიდი, მცირე და საშუალო ღვინის საწარმო იყო ჩართული.

წელს პირველი რთველია, როდესაც ფერმერი საწარმოებს ყურძენს ღვინის ეროვნული სააგენტოს მიერ გაცემული მევენახეობის კადასტრის ამონაწერის საფუძველზე აბარებს.