რძის წარმოების ეფექტიანობის გაზრდაში საქართველოს FAO დაეხმარება
საქართველოში რძისა და რძის პროდუქტების წარმოების ეფექტიანობის გასაზრდელად FAO-ს ექსპერტები რეკომენდაციების პაკეტზე მუშაობენ. სპეციალისტები გარემოს დაცვისა და სოფლის მეურნეობის სამინისტრომ დაიქირავა.
მინისტრის მოადგილის განმარტებით, გაიწერება ყველა ის საჭიროება, რომელიც რძის უფრო ეფექტური წარმოებისთვის არის აუცილებელი.
„ექსპერტთა ჯგუფი უკვე მუშაობს და მათი რეკომენდაციები დაგვეხმარება ქვეყანაში რძის წარმოება უფრო ეფექტური გახდეს. აღსანიშნავია, რომ ქვეყანაში უკვე გვაქვს კარგი მაგალითები, როდესაც ახალგაზრდა ფერმერებმა, ვინც მხოლოდ ახლა დგამს პირველ ნაბიჯებს ამ სექტორში, მიაღწიეს წველადობის დღეს არსებულ საშუალო მაჩვენებელზე უფრო მაღალ შედეგს. ეს პოზიტიური პროგნოზების გაკეთების შესაძლებლობას იძლევა,“ - გიორგი ხანიშვილი გარემოს დაცვისა და სოფლის მეურნეობის მინისტრის პირველი მოადგილე.
ქვეყანაში საშუალოდ 550 მლნ ლიტრი რძე იწარმოება. აქედან ორგანიზებულ ფერმერულ მეურნეობებზე საშუალოდ 23 მილიონი ლიტრი მოდის.
