სოფლის მეურნეობა
19/01/2021
ყველის სკოლის გახსნა გაურკვეველი ვადით გადაიდო
საქართველოში ყველის სკოლის გახსნა გაურკვეველი ვადით გადაიდო, - მიზეზი პანდემიის გამო არსებული შეზღუდვებია.
სკოლის დამფუძნებლის განმარტებით, ყველის წარმოების სწავლება დისტანციურ რეჟიმში შეუძლებელია, აქედან გამომდინარე სკოლა ფუნქციონირებას მას შემდეგ დაიწყებს რაც ქვეყანაში კოვიდვითარება დასტაბილურდება.
სივრცის მოსაწყობად ტერიტორია უკვე შერჩეულია. სკოლა თეორიულ სწავლებასთან ერთად მსურველებისთვის პრაქტიკულ უნარების განვითარებასაც გულისხმობს. სკოლა ლაბორატორიული ინვენტარითაც აღიჭურვება.
სასწავლებლის შექმნის იდეა "საქართველოს ყველის მწარმოებელთა გილდიის" თავმჯდომარეს ეკუთვნის. ანა მიქაძის განმარტებით, კორონავირუსის პანდემიამ სკოლის არსებობის აუცილებლობა კიდევ ერთხელ დაადასტურა.
