პაატა ღაძაძე: აგროდაზღვევით მოსარგებლეთა რაოდენობა იზრდება, თუმცა ბაზარი მაინც მცირეა
თიბისი დაზღვევის“ გენერალური დირექტორის განმარტებით, მცირემიწიანი ფერმერების აგროდაზღვევის საჭიროებაში დარწმუნება, რთულია.
პაატა ღაძაძის განმარტებით, მიუხედავად იმისა, რომ აგროდაზღვევის პროგრამაში ჩართული ბენეფიციარების რაოდენობა მზარდია, ბაზრის მოცულობა მაინც მცირეა.
„ის ფერმერები, რომლებსაც მასშტაბური პროექტები აქვთ, კარგად აცნობიერებენ, რომ უაზრობაა ინვესტიცია გააკეთო ირიგაციაში, შემოღობვაში, მეურნეობაში და მოსავალი არ დააზღვიო. აგროდაზღვევის მიმართულებით პრობლემები დიდწილად მცირ მიწიან ფერმერებს უკავშირდება. მათი პირველი გამოწვევა კი მიწის რეგისტრაციაა. როგორც ცნობილია, მიწის რეგისტრაციის გარეშე, აგროდაზღვევის სახელმწიფო პროგრამაში ფერემერები ვერ ერთვებიან. მიუხედავად იმისა, რომ ჩვენი კომპანიის შემთხვევაშიც იზრდება აგროდაზღვევით მოსარგებლეთა რაოდენობა და უკვე ასეულობით ფერმერს ვაზღვევთ, ბაზარი მაინც მცირეა. ძალიან დიდი მასივები არის დაუზღვეული, რის გამოც სადაზღვევო კომპანიების მხრიდან ინტერესი ნაკლებია. როგორც კი ფერმერების მხრიდან ინტერესი გაიზრდება, სადაზღვევო კომპანიები გააქტიურდებიან,“ - განაცხადა პაატა ღაძაძემ.
თიბისი დაზღვევა აგროდაზღვევის სახელმწიფო პროგრამაში 2019 წლიდან ჩაერთო. აგროდაზღვევას მომხმარებლებს ამ დროისთვის 8 სადაზღვევო კომპანია სთავაზობს.
