სოფლის მეურნეობა
28/02/2022
ოთარ შამუგია: ქვეყანაში 50 000 ტონა ხორბლის მარაგია, შემოდის ფქვილიც
სოფლის მეურნეობის მინისტრის ოთარ შამუგიას განცხადებით, საქართველოში, სურსათის მომარაგების მიმართულებით, შეფერხება არ არის.
„იმპორტიორებთან მუდმივი კავშირი გვაქვს. ამ ეტაპზე, სურსათის მომარაგების არანაირი შეფერხება არ არის. შეფერხებაა უკრაინასთან ვაჭრობის მიმართულებით, თუმცა დღეს კვების და პირველადი მოხმარების პროდუქტების მიმართულებით ქვეყანაში მომარაგების პრობლემა არ არის“, - აღნიშნა ოთარ შამუგიამ.
მინისტრის ინფორმაციით, ქვეყანაში 50 000 ტონა ხორბლის მარაგია, შემოდის ფქვილიც.
