ოთარ შამუგია: ხორბლის მოსავლის აღების პროცესი ხელს შეუწყობს წისქვილკომბინატების ამუშავებას
სოფლის მეურნეობის მინისტრის ოთარ შამუგიას განცხადებით, ქვეყანაში ხორბლის მოსავლის აღების პროცესი აქტიურად მიმდინარეობს, რაც ხელს შეუწყობს წისქვილკომბინატების ამუშავებას.
"ხორბლის საკითხთან დაკავშირებით მუდმივ კომუნიკაციაში ვართ წისქვილკომბინატებთან, ასოციაციასთან. ვმუშაობთ ამ საკითხებზე. პარალელურად ვაკვირდებით იმ პროცესებს, რომელიც ბაზარზე მიმდინარეობს. ბოლო პერიოდში გარკვეული ცვლილებაა ხორბლის ფასთან მიმართებაში, შემცირების კუთხით. გარდა ამისა, უნდა აღინიშნოს, რომ ახლა აქტიურად მიმდინარეობს მოსავლის აღების პროცესი, რომელიც ხელს შეუწყობს წისქვილკომბინატების ამუშავებას. რა თქმა უნდა ჩვენ ამ პროცესების დაკვირვებით, საბოლოო ჯამში, მივიღებთ გადაწყვეტილებას, მათთან შეთანხმებით, თუ რა ღონისძიებები შეიძლება გატარდეს ამ კუთხით. ჯერჯერობით შეთანხმება მიღწეული არ არის, ვინაიდან ჩემთვის მნიშვნელოვანია, ისეთი გადაწყვეტილება მივიღოთ, რომელიც პირველ რიგში ჩვენი მოსახლეობისთვის არ იქნება მტკივნეული და არ გაზრდის პურის ფასს. დანარჩენი, სხვა პირობებთან დაკავშირებით შეთანხმებაზე მზად ვართ",- განაცხადა ოთარ შამუგიამ.
