სოფლის მეურნეობა
18/07/2022
ოთარ შამუგია: ბიოწარმოებაზე მოთხოვნის გაზრდით დამატებითი თანხების მოზიდვას შევძლებთ
ბიოწარმოების ხელშეწყობის პროგრამის ბიუჯეტი ამ ეტაპზე 300 000 ლარია.
გარემოს დაცვისა და სოფლის მეურნეობის მინისტრი ოთარ შამუგია ფიქრობს, რომ ამ ეტაპზე ეს თანხა საკმარისია. თუმცა, მოთხოვნა თუ გაიზრდება, უწყება დამატებით თანხებს მოიძიებს.
პროგრამის განმახორციელებელია სოფლის განვითარების სააგენტო.
მინისტრის თქმით, სააგენტო განცხადებების მიღებას უმოკლეს დროში დაიწყებს, ელექტრონული ფორმით.
"ვფიქრობთ, პირველ ეტაპზე მეტი თანხის საჭიროება არ იქნება. რა თქმა უნდა მოთხოვნა თუ იქნება და იმედი გვაქვს, რომ ეს მოთხოვნა გაიზრდება, მზად ვართ, ამ პროგრამისთვის წელსვე დამატებითი თანხმები მოვიძიოთ", - აღნიშნა ოთარ შამუგიამ.
შეგახსენებთ, მთავრობამ ბიოწარმოების ხელშეწყობის პროგრამა დაამტკიცა.
