მთავრობა ბიზნესთან ერთად აგროსექტორში ₾7 მლრდ-ის ინვესტიციას ჩადებს
მთავრობა მომდევნო წლებში კერძო სექტორთან ერთად 7 მილიარდი ლარის ინვესტიციის ჩადებას გეგმავს.
პრემიერ-მინისტრის ირაკლი ღარიბაშვილის შეფასებით, ქვეყანაში სოფლის მეურნეობა უფრო მეტად უნდა განვითარდეს, რადგან იმპორტზე დამოკიდებულება შემცირდეს.
“ბოლო 8 წლის განმავლობაში მთავრობამ დაახლოებით 2 მილიარდი ლარის ინვესტიცია ჩადო. კერძო სექტორის მხრიდან კი, 1 მილიარდი ლარის ინვესტიცია განხორციელდა ამ სექტორში.
ჩვენი ამბიციური გეგმის მიხედვით, მომდევნო წლების განმავლობაში მთავრობის და კერძო სექტორის ერთობლივი ინვესტიციის საერთო მოცულობა შეადგენს 7 მლრდ ლარს. ჩვენი მთავარი ამოცანა უნდა იყოს რაც შეიძლება მეტი მოქალაქის დასაქმება, მეტი ჩართულობა სოფლის მეურნეობაში და რა თქმა უნდა ჩვენ ვგულისხმობთ რეგიონების განვითარებას, გაძლიერებას. ასევე ჩვენი ერთ-ერთი მთავარი ამოცნანაა, მეტად თვითუზრუნველყოფილი გახდეს ჩვენი ქვეყანა. მოგეხსენებათ, ჩვენთან ბევრი იმპორტირებული პროდუქტი შემოდის, ჩვენ არ ვართ იმპორტის წინააღმდეგი, მაგრამ რა თქმა უნდა შეგვიძლია მეტის წარმოება ქვეყანაში“,- განაცხადა პრემიერმა პროგრამის “გარემოს დაცვა და სოფლის განვითარება 2030“ პრეზენტანციაზე.
