ფოტო: foodsystemprimer.org
სოფლის მეურნეობა
16/08/2022
მეცხოველეობის სფეროში ვარდნაა
მეცხოველეობის სფეროში ვარდნაა. ქვეყანაში შემცირებულია როგორც ღორის, ასევე მსხვილფეხა პირუტყვისა და ცხვრის რაოდენობა.
ყველაზე მეტი კლება კი ცხვრისა და თხის რაოდენობაშია. ცხვრისა და თხის ჯამური რაოდენობა 2022 წლის II კვარტალის ბოლოსათვის წინა წლის ანალოგიურ პერიოდთან შედარებით 23%-ით შემცირდა და ქვეყანაში ფერმერებს სულ 954 600 სული ცხვარი და თხა ჰყავთ.
მსხვილფეხა რქოსანი პირუტყვის სულადობა წინა წლის შესაბამის მაჩვენებელთან შედარებით 1.8%-ით შემცირდა, 1 მლნ-მდე. აქედან, ფურისა და ფურკამეჩის რაოდენობა 470 900-ია (+2%).
ღორის რაოდენობა 194 800 სულია, თითქმის 6%-ით ნაკლები წინა წლის შესაბამის მაჩვენებელზე. ფრინველის რაოდენობა წინა წლის ანალოგიურ მაჩვენებელთან შედარებით 8.2%-ით არის შემცირებული და 11.1 მლნ ფრთაა.
