მანდარინის ექსპორტიდან საქართველომ $17 მლნ-ზე მეტის შემოსავალი მიიღო

მანდარინის ექსპორტიდან საქართველომ $17 მლნ-ზე მეტის შემოსავალი მიიღო.

გარემოს დაცვისა და სოფლის მეურნეობის სამინისტროს მონაცემებით, 2020 წლის 1 აგვისტოდან 2021 წლის 17 იანვრამდე პერიოდში ექსპორტზე 35.4 ათასი ტონა ქართული მანდარინი გავიდა.

ქართული მანდარინის ძირითადი საექსპორტი ბაზარი რუსეთია (20.5 ათასი ტონა), მეორე ადგილზე სომხეთი (7.6 ათასი ტონა), მესამეზე კი უკრაინაა (5.3 ათასი ტონა). აღნიშნული ქვეყნების გარდა, ექსპორტი განხორციელდა აგრეთვე მოლდოვაში, თურქმენეთში, ბელორუსიაში, ყაზახეთში, ლიეტუვაში, სლოვენიაში, ტაჯიკეთში, ყირგიზეთში, აზერბაიჯანში, აშშ-სა და გერმანიაში.

წლიურ ჭრილში მანდარინის ექსპორტის მოცულობა 6.3 ათასი ტონით (22%), ექსპორტის ღირებულება 2.3 მლნ დოლარით (16%) აღემატება 2019/2020 წწ ანალოგიური პერიოდის მაჩვენებლებს.