ლურჯი მოცვის მოყვანაზე მოთხოვნა იზრდება

ლურჯი მოცვის მოყვანაზე მოთხოვნა იზრდება.

თუ ცოტა ხნის წინ საქართველოში ეს კულტურა ფერმერებს საერთოდ არ მოჰყავდათ, ამ დროისთვის ლურჯი მოცვის ბაღი 700 ჰექტარზე მეტ ფართობზეა გაშენებული. წელს, ქვეყნიდან, დაახლოებით, 700 ტონამდე ლურჯი მოცვია ექსპორტირებული.

2015 წლიდან, დღემდე 10,000 ჰა-ზე შექმნილია მრავალწლოვანი ხეხილისა და კენკროვანი კულტურების ბაღი და სანერგე მეურნეობა.

კომპანია „ინტერაგრო“ იმ კომპანიებს შორისაა, რომელმაც სახელმწიფოს ფინანსური მხარდაჭერით ისარგებლა და 10 ჰექტარზე ლურჯი მოცვის ბაღი გააშენა.

ბაღი სენაკის მუნიციპალიტეტის სოფელ ნოსირში მდებარეობს. პროექტი კომპანიამ პროგრამის „დანერგე მომავალი“ ფარგლებში განახორციელა და ბაღის გაშენებისა და სარწყავი სისტემის მოწყობისთვის 230,000 ლარის დაფინანსება მიიღო.

„ინტერაგრო“ შეღავათიანი აგროკრედიტის ბენეფიციარიცაა. პროგრამის ფარგლებში კომპანიამ, ბაღის გაშენებისთვის, 500,000 ლარის აგროკრედიტი მიიღო; 200,000 ლარი ბენეფიციარის ინვესტიციაა.