სოფლის მეურნეობა
10/11/2020
ლევან დავითაშვილი: ვმუშაობთ, რომ პურის მიწოდება და ფასი სტაბილური იყოს
გარემოს დაცვისა და სოფლის მეურნეობის მინისტრი მოსახლეობისთვის პურის სტაბილური მიწოდების მნიშვნელობაზე აცხადებს. ამ სტაბილურობის შენარჩუნების მიზენით ლევან დავითაშვილი პურპროდუქტების მსხვილ მწარმოებლებს, პურის მცხობელთა და ფქვილის მწარმოებელთა ასოციაციების თავმჯდომარეებს შეხვდა.
"სამინისტროში რეგულარულად ვმართავთ შეხვედრებს და ვმუშაობთ, რომ მოსახლეობისთვის სტაბილური იყოს როგორც პურის მიწოდება, ასევე სტაბილური იყოს ფასები. სასიცოცხლოდ მნიშვნელოვანია, მოსახლეობის პურით შეუფერხებელი მომარაგება. ეს არის საკითხი, რაზეც ყველამ ერთად უნდა ვიზრუნოთ“, - განაცხადა ლევან დავითაშვილმა.
როგორც სამინისტროში აცხადებენ, არსებული ვითარებიდან გამომდინარე, ბიზნესსექტორის მხრიდან პასუხისმგებლიანი გადაწყვეტილებების მიღების აუცილებლობაზე ისაუბრეს და აღნიშნეს, რომ სოციალური მიმართულება და ბაზარზე სტაბილიზაციის შენარჩუნება მათთვისაც მნიშვნელოვანია.
