ქვევრის ღვინო ბუნებრივი ღვინოების გამოფენაზე - RAW Wine Berlin-ზე 18 მარანი მონაწილეობდა

ქვევრის ღვინო ბუნებრივი ღვინოების გამოფენაზე ბერლინში - საქართველოდან RAW Wine  Berlin-ზე ღვინის 18 მარანი, ღვინის ეროვნული სააგენტოს მხარდაჭერით მონაწილეობდა და ეს ქართული ქვევრის ღვინის მარნების ყველაზე მასშტაბური წარდგენა იყო.

RAW Wine  Berlin-ი ერთ-ერთ გამორჩეულ გამოფენად ითვლება, სადაც მაღალი ხარისხის ბუნებრივი, ორგანული და ბიოდინამიური ღვინოების მწარმოებლები იკრიბებიან.

გამოფენის ორგანიზატორია ცნობილი ღვინის ექსპერტი საფრანგეთიდან იზაბელ ლეგერონი.

როგორც მან აღნიშნა, წლიდან წლამდე საქართველოში ღვინის ხარისხი და თავად მეღვინეთა რაოდენობა იზრდება.

„აქ წარმოდგენილია ქართველი მეღვინეები საქართველოს სხვადასხვა კუთხიდან, რომლებიც არაჩვეულებრივ ღვინოებს აწარმოებენ ტრადიციული მეთოდით ქვევრში, მათ შორის ქარვისფერ ღვინოებს თუ საფერავს. განსაკუთრებით სასიამოვნოა იმის ხილვა, თუ როგორ გაიზარდა ხარისხი და ასევე რაოდენობა. აქ არიან ახალგაზრდა მეღვინეები, რომლებიც მცირე წარმოებით იწყებენ და მუდმივად ვითარდებიან. ასევე ვხედავთ განვითარებას ხარისხის მიმართულებით, რადგან წარმოდგენილია არაჩვეულებრივი ღვინოების ნაკრები“, - აღნიშნა იზაბელ ლეგერონმა.   

ღვინის ეროვნული სააგენტოს წარმომადგენლის ნინო მწედლიშვილის განმარტებით კი გერმანია ქართული ღვინის სტრატეგიული ბაზარია და სააგენტო ქართველ მეღვინეებს ეხმარება