"ქვეყანაში ხორბლის საკმარისი მარაგებია"
ხორბლის მარაგების და საფასო პოლიტიკის თვალსაზრისით ქვეყანაში არანაირი საფრთხე არ არსებობს, - განაცხადა „ბიზნესპარტნიორთან“ გარემოს დაცვისა და სოფლის მეურნეობის მინისტრის მოადგილემ.
გიორგი ხანიშილი ამბობს, რომ ამ მიმართულებით სახელმწიფო საკმაოდ მყარად დგას.
"110-120 ათასი ტონა ხორბალი უშუალოდ წისქვილებშია განთავსებული და ცალკე 80-100 ათასი ტონა იმ ფერმერებთან, რომელთაც მოსავალი ჯერ არ გაუყიდიათ,“ - აცხადებს მინისტრის მოადგილე.
მისივე ინფორმაციით, ამერიკის სოფლის მეურნეობის დეპარტამენტის მიერ გამოქვეყნებულ მსოფლიო მარაგებში ხორბლის მოსავალი 4.5 მლნ ტონით არის გაზრდილი, გარდამავალი ნაშთების კი 2,6 მლნ ტონით. გაზრდილმა მაჩვენებლებმა ჩიკაგოს ბირჟაზე ფასების დაწესვიგან უბიძგა, ტენდენციის გაგრძელებას კი მსოფლიო ბაზარზეც ვარარაუდობენ.
ხანიშვილი განმარტავს, რომ სურსათის მსოფლიო ორგანიზაციის სტანდარტებით, ხორბლის გარდამავალი ნაშთი, რომელიც ქვეყანაში უნდა არსებობდეს, მთლიანი წლიური მოხმარების 12%-ია. საქართველოსთვის ეს მონაცემი, დაახლოებით, 80 ათას ტონაა, შესაბამისად, ფაქტობრივი რაოდენობა სტანდარტით განსაზღვრულს მნიშვნელოვნად აღემატება.
