ქართველ მეთხილეებს ექსპორტიდან შემოსავლები გაეზარდათ

იანვარში თხილის ექსპორტი 165.4%-ით გაიზარდა.

„საქსტატის“ მონაცემებით, 2021 წლის იანვარში თხილის და კაკლის ექსპორტიდან შემოსავალმა 7.2 მლნ დოლარი შეადგინა, მაშინ როდესაც 2020 -ის იანვარში ეს მაჩვენებელი 2.7 მლნ იყო.

გარემოს დაცვისა და სოფლის მეურნეობის სამინიტროს ცნობით კი, 2020 წლის 1 აგვისტოდან 2021 წლის 9 თებერვლამდე პერიოდში ექსპორტზე 15.6 ათასი ტონა თხილია გასული, ღირებულება 81.2 მლნ აშშ დოლარია.

ქართული თხილის საექსპორტო ბაზარი მრავალრიცხოვანია. ექსპორტი, ძირითადად, ევროკავშირის ბაზრებზე ხორციელდება, კერძოდ, გერმანიაში (4 253 ტონა), იტალიაში (3 823 ტონა), ჩეხეთში (738 ტონა), ესპანეთში (445 ტონა), ლიეტუვაში (442 ტონა), საფრანგეთში (381 ტონა), პოლონეთში (376 ტონა), ბულგარეთში (345 ტონა), ლატვიაში (128 ტონა), საბერძნეთში (97 ტონა), ესტონეთში (88 ტონა), სლოვაკეთში (86 ტონა), ლუქსემბურგი (84 ტონა), ბელგია (44 ტონა) და ავსტრიასა (22 ტონა).

ქართული თხილი ექსპორტზე გადის ასევე ისეთ ქვეყნებში, როგორებიცაა სომხეთი (885 ტონა), რუსეთი (756 ტონა), თურქეთი (530), ბელარუსი (466 ტონა), უკრაინა (300 ტონა), ბრაზილია (186 ტონა), ალჟირი (185 ტონა), საუდის არაბეთი (180 ტონა),კანადა (146 ტონა), შვეიცარია (111 ტონა), მექსიკა (67 ტონა), უზბეკეთი (58 ტონა), სირია (50 ტონა), არაბთა გაერთიანებული საამიროები (44 ტონა), აზერბაიჯანი (44 ტონა), იორდანია (38 ტონა), დიდი ბრიტანეთი (35 ტონა), ისრაელი (32 ტონა), ერაყი (24 ტონა), აშშ (19 ტონა) და სხვა.