სოფლის მეურნეობა
26/06/2023
ქართული თაფლის საექსპორტო ქვეყნების ჩამონათვალს ლიბანი დაემატა
ქართული თაფლის საექსპორტო ქვეყნების ჩამონათვალს ლიბანი დაემატა. "საქსტატის" ინფორმაციით, საქართველოდან ნატურალური თაფლის ექსპორტი აზიის ამ ქვეყანაში პირველად მაისში განხორციელდა და მოცულობამ 51 ათას დოლარს მიაღწია, ამ მაჩვენებლით ლიბანი თაფლის საექსპორტო ბაზრებს შორის მეორე ადგილზე მოხვდა.
მთლიანობაში 2023 წლის იანვარ-მაისში საქართველოდან ექსპორტზე 284 ათასი დოლარის თაფლი გავიდა, რაც 17%-ით ნაკლებია 2022 წლის ანალოგიურ პერიოდთან შედარებით.
ბაზრებს შორის საფრანგეთი ლიდერობს, სადაც ქართული საექსპორტო თაფლის 40% გაიყიდა.
საფრანგეთი - $116 ათასი
ლიბანი - $51 ათასი
ჩეხეთი - $38 ათასი
კანადა - $18 ათასი
ამერკის შეერთებული შტატები - $17 ათასი
