ქართული კივის საექსპორტო ბაზრები იაპონია და სომხეთია
2022 წელს საქართველოში კივის ექსპორტისგან მიღებული შემოსავალი გაიზარდა.
"საქსტატის" ინფორმაციით, გასულ წელს ექსპორტზე ჯამში 144 ტონა 363.8 ათასი დოლარის ღირებულების კივი გავიდა, რაც 2021 წლის მაჩვენებლებთან (308.4 ათასი) შედარებით 15%-ით მეტია.
ექსპორტი იაპონიასა და სომხეთში განხორციელდა. კერძოდ, 313 ათასი დოლარის ღირებულების 120 ტონა იაპონიაში, ხოლო 50 ათასი დოლარის ღირებულების 24 ტონა კივი სომხეთში გაიყიდა.
რაც შეეხება მიმდინარე წლის მაჩვენებლებს, 2023 წელს 59 ტონა 114.8 ათასი დოლარის ღირებულების კივის ექსპორტი განხორციელდა.
აღსანიშნავია, რომ 2021-2023 წლებში ქართული კივი ექსპორტზე მხოლოდ ორ ქვეყანაში, იაპონიასა და სომხეთში გავიდა.
გასულ წელს კივის ექსპორტიდან მიღებულ შემოსავალს 3-ჯერ აღემატებოდა იმპორტში გადახდილი თანხა. 2023 წელს ქვეყანაში 1.1 მლნ დოლარის კივის იმპორტი განხორციელდა. ჯამში გასულ წელს ქვეყანამ 2.6 ათასი ტონა კივი იყიდა.
