ქართულ თხილზე ფასები ეცემა
ქართულ თხილზე ფასები ეცემა.
ანალიტიკური პორტალი EastFruit-ის ექსპერტების ანალიზის მიხედვით, ბოლო 33 კვირაში ქართულ თხილზე ფასი 27%-ით შემცირდა. ანალიტიკოსები საგანგაშოს უწოდებენ იმ ფაქტს, რომ EastFruit-ის ისტორიაში ეს ყველაზე დაბალი ფასია.
გაურჩეველი 1 კილოგრამი თხილის ფასმა გასულ კვირას 3 ლარი ($1.08) შეადგინა, ეს კი 16%-ით ნაკლებია წინა წლის ანალოგიურ პერიოდთან შედარებით.
თხილზე ფასი 2021 წლის სეზონზეც არ იყო საუკეთესო, შარშან თხილის ხაირსხზე წვიმიანმა ამინდებმა იმოქმედა. ეს პრობლემა წელსაც აქტუალურია, თხილზე დაბალი ფასი მის ხარისხთან არის დაკავშირებული, თუმცა ამავდროულად ამას ემატება შარშანდელ სეზონზე დარჩენილი თხილის მარაგებიც, რაც ასევე ამცირებს თხილის ფასს.
აღსანიშნავია, რომ თხილი ქართული პროდუქციის წამყვან საექსპორტო კალათაშიც არ არის, რომელიც როგორც წესი პირველ ათეულში ხვდებოდა. საქსტატის მონაცემებით, 2022 წლის იანვარ-ივლისში ექსპორტზე 43,79 მლნ დოლარის თხილი გავიდა ექსპორტზე, 15%-ით მეტი 2021 წლის ანალოგიურ პერიოდთან შედარებით
