სოფლის მეურნეობა
06/05/2021
კახელი ფერმერების სტიქიით მიყენებულ ზარალს სადაზღვევო კომპანიები ითვლიან
კახეთის რეგიონში, სტიქიის შედეგად მიყენებული ზარალის დათვლას სადაზღვევო კომპანიები უმოკლეს ვადაში დაასრულებენ.
სოფლის განვითარების სააგენტოს მონაცემებით, 29 და 30 აპრილს, ძლიერი სეტყვით დაზარალებულმა 519 -მა ფერმერმა მიმართა სადაზღვევო კომპანიას დაზიანებული ფართობი, დაახლოებით, 727 ჰექტარს შეადგენს.
სადაზღვევო შეტყობინებები დაფიქსირდა: ყვარლის, გურჯაანის, ლაგოდეხისა და საგარეჯოს მუნიციპალიტეტებიდან.
„სადაზღვევო კომპანიების წარმომადგენლების მიერ მიმდინარეობს ზარალის დათვლის პროცესი, რაც უმოკლეს ვადაში დასრულდება“, - აცხადებს სააგენტო და ფერმერებს აგროდაზღვევაში მონაწილეობისკენ მოუწოდებს.
