სოფლის მეურნეობა
21/06/2023
იანვარ-მაისში საქართველოდან ღვინის ექსპორტი 30%-ით გაიზარდა
იანვარ-მაისში საქართველოდან ღვინის ექსპორტი 30%-ით გაიზარდა,- ინფორმაციას "საქსტატი" აქვეყნებს.
2023 წლის პირველ ხუთ თვეში ქვეყნიდან $103.5 მლნ დოლარის ღირებულების ღვინის ექსპორტი განხორციელდა. გასული წლის ანალოგიურ პერიოდში კი ეს მაჩვენებელი დაახლოებით 80 მლნ დოლარი იყო.
ყურძნის ნატურალური ღვინოები საქართველოსთვის კვლავ ერთ-ერთი მთავარი საექსპორტო პროდუქტია და უმსხვილესი სასაქონლო ჯგუფების ჩამონათვალში მესამე ადგილს იკავებს. მთლიან ექსპორტში ღვინის წილი კი 4.1%-ს შეადგენს.
ქართული ღვინისთვის ძირითადი ბაზარი კვლავ რუსეთია. რუსეთში 69.1 მლნ დოლარის ღირებულების ღვინის ექსპორტი განხორციელდა.
5.1 მლნ დოლაარის ღირებულების ღვინო კი ჩინეთში გაიყიდა.
