გარდაბანში ძაღლების, კატებისა და აკვაკულტურისთვის მშრალი საკვების საწარმო გაიხსნა
ძაღლების, კატებისა და აკვაკულტურისთვის მშრალი საკვების საწარმო გაიხსნა. ნუტრიმაქსის ახალი ობიექტი 25 000 ტონა ექსტრუდირებული საკვების წარმოებაზეა გათვლილი. საკვები რეალიზაციაში უახლოეს პერიოდში ჩაეშვება. წარმოებული პროდუქციის 20% ადგილობრივ ბაზარზე რეალიზდება, დანარჩენი კი ექსპორტზე გავა.
საერთაშორისო სტანდარტების მშენებლობასა და შესაბამისი ინფრასტრუქტურის მოწყობაში კომპანია „ნუტრიმაქსმა“ 12 მილიონ ლარზე მეტი ინვესტიცია განახორციელა. პროექტი მსოფლიოში წამყვანი კომპანიების სპეციალისტთა აქტიური ჩართულობითა და პარტნიორობით განხორციელდა.
ახალი საწარმო პროგრამა „ აწარმოე საქართველოს“ მხარდაჭერით გაიხსნა.
ცნობისთვის, კომპანია "ნუტრიმაქსი" ფერმერული მეურნეობებისთვის კომბინირებულ საკვებს 2009 წლიდან ქმნის. პირველი ევროპული სტანდარტების საწარმო კომპანიამ 2016 წელს გახსნა. საწარმო 150-მდე ადამიანს ასაქმებს.
