სოფლის მეურნეობა
27/11/2020
ფქვილის ფასს მთავრობა 10 მლნ-ით დაასუბსიდირებს
პირველი ხარისხის ხორბლის ფქვილის სუბსიდირების ბიუჯეტი ათი მილიონი ლარი იქნება.
სოფლის მეურნეობის მინისტრის განმარტებით, პროგრამისთვის თვეში დაახლოებით 2-2.5 მლნ ლარი დაიხარჯება.
„ერთი ტომარა ფქვილის ფასი 53 ლარით განვსაზღვრეთ. ეს არის პირობა წისქვილებითვის, რომ ამ ფასზე მეტად არ მოხდება პირველი ხარისხის ფქვილის გაყიდვა. ჩვენი მხრიდან ერთ 50 კგ-იან ტომარა ფქვილზე სუბსიდია იქნება არაუმეტეს 10 ლარისა. რაც ნიშნავს იმას, რომ პროგრამაში ჩართული წისქვილები შემოგვთავაზებენ გარკვეულ ფასს. შესაბამისად, კონკურენციაც იქნება, რომ სახელმწიფოს დაუჯდეს ნაკლები თანხა, მაგრამ შედეგი მივიღოთ ის, რომ ხორბლის ფქვილის და შემდგომში პურის ფასი არ გაიზარდოს,“ - განაცხადა ლევან დავითაშვილმა.
