ფერმერებს ცხვრის რაოდენობა შეუმცირდათ

საქართველოში ცხვრისა და თხის რაოდენობა შემცირებულია. 2020 წლის III კვარტლის ბოლოსათვის სულ 846 000 სულია, რაც 10%-ით ნაკლებია წინა წლის ანალოგიური პერიოდის მაჩვენებელთან შედარებით.

სამაგიეროდ 4,9%-ით არის გაზრდილი მსხვილფეხა რქოსანი პირუტყვის სულადობა და 955 000 სულს აღწევს, აქედან, ფურისა და ფურკამეჩის რაოდენობა 453 800-ია, 0,7%-ით მეტი ვიდრე 2019 წლის III კვარტლის ბოლოსათვის.

ქვეყანაში ფერმერებს 237 200 სული ღორი ჰყავთ, წლიური მატება 3%-ია.

ფრინველის რაოდენობა წინა წლის ანალოგიურ მაჩვენებელთან შედარებით 22.5%-ით არის გაზრდილი  და 11.5 მლნ ფრთას აღწევს.