ფერმერები საგარანტიო სქემაში ჩართვას მრავალწლოვანი კულტურების მოსაყვანადაც შეძლებენ
პროგრამის „აწარმოე საქართველოში“ საკრედიტო-საგარანტიო სქემაში ჩართვის შესაძლებლობა ფართოვდება.
სქემაში ჩართვას შეძლებენ ფერმერები, რომლებიც მრავალწლოვანი სასოფლო-სამეურნეო კულტურების მოყვანით არიან დაკავებული.
ნათია თურნავა ამბობს, რომ ამ გადაწყვეტილებით ჩანს, რომ ხელისუფლებისთვის აგრომეურნეობა პრიორიტეტული მიმართულებაა და მის განვიტარებაზე ზრუნავს.
„კომპანიებს ან ინდმეწარმეებს, რომლებიც მრავალწლოვანი კულტურების მოსაყვანად საბანკო სესხებს იზიდავენ, სესხის პროცენტს სოფლის მეურნეობის პროგრამების ფარგლებში უსუბსიდირებენ. ამ გადაწყვეტილებით, ჩვენ მათ დამატებით საკრედიტო - საგარანტიო სქემაში ჩართვას ვთავაზობთ. საუბარია ისეთი მრავალწლოვანი კულტურების მოყვანაზე, როგორიცაა ყურძენი, ციტრუსები, სხვადასხვა სუბტროპიკული ხილი და სხვ. ამით მეწარმეებს შეეძლებათ ერთდროულად ისარგებლონ სახელმწიფოს ორივე პროგრამით, როგორც უზრუნველყოფით, ასევე ბანკის პროცენტის სესხის თანადაფინანსებით. სოფლის მეურნეობა არის ჩვენი ერთ-ერთი უდიდესი პრიორიტეტი, როგორც საექსპორტო მიმართულებით, ასევე დასაქმებისა და ახალი სამუშაო ადგილების შექმნის კუთხით,“ - განაცხადა ეკონომიკის მინისტრმა.
