ატმისა და ვაშლატამას ექსპორტიდან საქართველომ $20.6 მლნ მიიღო

1 მაისი-1 აგვისტოს პერიოდში, საქართველოდან ექსპორტზე 22.9 ათასი ტონა ატამი და ვაშლატამა გავიდა, სულ 20.6 მლნ დოლარის.

გასული წლის ანალოგიურ პერიოდთან შედარებით, ექსპორტის მოცულობა 7.2 ათასი ტონით (46%) არის გაზრდილი, ღირებულება კი 7.2 მლნ დოლარით (53%) გაიზარდა.

ექსპორტი, ძირითადად, განხორციელდა რუსეთსა (14 726 ტონა) და სომხეთში (6 902 ტონა), ასევე, უკრაინაში (592 ტონა), აზერბაიჯანში (269 ტონა), ბელარუსში (119 ტონა), მოლდოვაში (116 ტონა), ყაზახეთსა (95 ტონა) და სლოვენიაში (59 ტონა).