10-წლიანი რეკორდი - ექსპორტზე 40 000 ტონა ქართული მანდარინი გავიდა
ქართულ მანდარინზე მოთხოვნა გაზრდილია.
2020 წლის 1 აგვისტოდან 2021 წლის 21 თებერვლამდე პერიოდში საექსპორტო ბაზრებზე 39.3 ათასი ტონა მანდარინი გავიდა, რაც გარემოს დაცვისა და სოფლის მეურნეობის სამინისტროს მონაცემებით 10-წლიანი რეკორდია (მარკეტინგული წლები).
მანდარინის ექსპორტიდან ქვეყანამ ამ პერიოდში 19.1 მლნ დოლარი მიიღო.
წლიურად ექსპორტი 25%-ით არის გაზრდილი, საექსპორტო შემოსავლები კი 17%-ით.
ყველაზე მაღალი მოთხოვნა ქართულ მანდარინზე რუსეთშია, 2020 წელს წარმოებული მანდარინის ექსპორტიც ძირითადად რუსეთში (22.6 ათასი ტონა) გავიდა, მეორე პოზიციაზეა სომხეთი (8.9 ათასი ტონა), მესამეზე კი უკრაინა (5.3 ათასი ტონა).
ამ ქვეყნების გარდა, ექსპორტი განხორციელდა აგრეთვე მოლდოვაში, თურქმენეთში, ბელორუსიაში, ყაზახეთში, ლიეტუვაში, სლოვენიაში, ტაჯიკეთში, ყირგიზეთში, აზერბაიჯანში, აშშ-სა და გერმანიაში.
