საზოგადოება
01/08/2022
ზურაბ აზარაშვილი: ექთნების ხელფასი გაორმაგდა
დღეიდან საქართველოს სამედიცინო ჰოლდინგში შემავალ კლინიკებსა და ამბულატორიებში მინიმალური ანაზღაურების სისტემა ამოქმედდა. მსგავსი სისტემა ამოქმედებული იყო რესპუბლიკურ საავადმყოფოში.
ჯანდაცვის მინისტრის ზურაბ აზარაშვილის განცხადებით, გაიზარდა მედპერსონალის ხელფასი.
"ქვეყნის მასშტაბით, 17 ამბულატორიაა. მათ მნიშვნელოვნად გაეზარდათ ანაზღაურება. ანაზღაურების საშუალო ზრდა, რომელიც მთლიანად 1000 ადამიანს შეეხო, 50%-ის ფარგლებშია. მაგრამ ცალკე აღებული სხვადასხვა პოზიციისთვის სხვადასხვა ზრდაა. ექთნების შემთხვევაში 100%-ით არის გაზრდილი. მათი ანაზღაურება გაორმაგებულია. ვფიქრობ, ღირსეულ ანაზღაურებამდე ბევრია დარჩენილი, მაგრამ ამ მომენტისთვის არის ის მინიმუმი, რისი გაკეთებაც სახელმწიფოს შეუძლია", - აღნიშნა ზურაბ აზარაშვილმა.
