ზონალურ-საათობრივი პარკირების არეალი ფართოვდება

ზონალურ-საათობრივი პარკირების არეალი ფართოვდება. 

თბილისის მერის კახა კალაძის ინფორმაციით, ზონალურ-საათობრივი პარკირება შემდეგ ქუჩებზე გაკეთდება: 

გლდანში, მეტროსადგური ახმეტელის თეატრის მიმდებარე ტერიტორიაზე, გობრონიძისა და ნოზაძის ქუჩებზე გამოყოფილია 124 საპარკინგე ადგილი. 

სამგორის რაიონში მეტროსადგური ვარკეთილის მიმდებარე ტერიტორიაზე, ჯავახეთისა და ხომლელის ქუჩებზე, პარკირებისთვის განკუთვნილია 119 ადგილი. 

საბურთალოს რაიონშიც ახალი ქუჩები ემატება, სადაც ზონალური საათობრივი პროგრამა ამოქმედდება, ეს არის დოლიძის, ტეხურას, ასლანიდის, ბერბუკის, ალექსიძის, ბახტრიონის, ცინცაძის და ლორთქიფანიძის ქუჩები.

ჯამში 702 ახალი საპარკიგნე ადგილი შეემატება ზონალურ საათობრივი პარკირების პროგრამას. 

თბილისის მერის განცხადებით, საინფორმაციო ჯიხურები, სადაც რეგისტრაციის გავლა შეეძლება მოსახლეობას უფასო პარკირებისთვის, 1-ელი ივლისიდან უკვე ამოქმედდა და 1-ელ სექტემბრამდე იქნება განთავსებული ამ კონკრეტულ ქუჩებზე.

“ადგილობრივი მოსახლეობა, ვინც არეგისტრირებს ავტომობილებს, მათთვის უფასოა პარკირება, ასევე უფასოა შშმ პირთათვის, რომლებისთვისაც შესაბამისი ადგილებია გამოყოფილი. A კატეგორიის ტაქსის მძღოლებისთვის, ელექტრომობილებისთვის, იმისთვის, რომ წავახალისოთ და რაც შეიძლება მეტი ელექტრომობილი შემოვიდეს ქალაქში“,- აღნიშნა კახა კალაძემ.