ვახტანგ გომელაური: კიბერდანაშაული შემცირდა
შს მინისტრის ვახტანგ გომელაურის განცხადებით, 2021 წელს კიბერდანაშაული შემცირდა.
მისი თქმით, კიბერდანაშაულთან დაკავშირებით საბანკო და სათამაშო ბიზნესის წარმომადგენლებს, მომხმარებლების დაცვის გაუმჯობესების კუთხით, რეკომენდაცია გაეწიათ.
"მიუხედავად იმისა, რომ კიბერდანაშაული მსოფლიოს მრავალი ქვეყნის გამოწვევაა, პოზიტიური ტენდენცია დაფიქსირდა და 2021 წელს დანაშაულმა 1029 ფაქტით დაიკლო.
აღსანიშნავია, რომ 2021 წლის განმავლობაში აქტიურად ვიმუშავეთ კერძო სექტორთან, საბანკო და სათამაშო ბიზნესის წარმომადგენლებთან და მივაწოდეთ მთელი რიგი რეკომენდაციები მომხმარებლების დაცვის გაუმჯობესების კუთხით. ასევე განხორციელდა მნიშვნელოვანი საკანონმდებლო ცვლილებები კიბერდანაშაულთან ბრძოლის მიმართებით. ჩატარებული საინფორმაციო კამპანიების შედეგად, კიბერდანაშაულთან მიმართებაში მოსახლეობის ცნობიერება გაცილებით ამაღლდა", - განაცხადა ვახტანგ გომელაურმა პარლამენტში, სადაც მინისტრის საათის ფორმატში უსმენენ.
