საზოგადოება
29/07/2020
უხვი ნალექის შედეგად ქუთაისში რამდენიმე ქუჩა დაიტბორა
უხვი ნალექის შედეგად ქუთაისში რამდენიმე ქუჩა დაიტბორა.
ქუთაისის მუნიციპალიტეტის მერიის ცნობით, ფოთის, განჯისა და წერეთლის ქუჩებზე მოსახლეობის ნაწილს წყალი საცხოვრებელი სახლის სარდაფებსა და პირველ სართულებზე შეუვიდათ. დაიტბორა, როგორც სამანქანო გზები, ასევე მოსახლეობის ეზოები.
მერიის ცნობით, სალიკვიდაციო სამუშაოები ამ დრომდე გრძელდება.
ადგილზე მუშაობენ საპატრულოსა და სამაშველოს ეკიპაჟები, ასევე ა(ა)იპ „სპეციალური სერვისებისა“ და მერიის კეთილმოწყობის სამსახურის ბრიგადები.
