საზოგადოება
16/08/2021
თელავის წყალმომარაგების პროექტი იწყება - დაიხარჯება ₾24 მლნ
თელავის წყალმომარაგების პროექტი იწყება.ხელშეკრულების ღირებულებაა 24 მლნ-მდე ლარი.
რეგიონული განვითარებისა და ინფრასტრუქტურის მინისტრის ირაკლი ქარსელაძის განცხადებით, ხელშეკრულების თანახმად, გათვალისწინებულია თელავის წყალმომარაგების სისტემის მშენებლობა, რომლის ფარგლებში 79 კმ ქსელი მოეწყობა, გარდა ამისა რეაბილიტაცია ჩაუტარდება 5 ჭაბურღილს, დაემატება 3 ახალი ჭაბურღილი, ასევე დაემატება ახალი რეზერვუარები.
“თელავის მოსახლეობას სრულად ექნება სტანდატის შესაბამისი წყალმომარაგება. სამუშაოები დაახლოებით 15 თვის განმავლობაში გაგრძელდება, გათვალისწინებულია 1 წლიანი საგარანტიო ვადა.
ხელშეკრულების ხელმოწერისთანავე დაიწყება მოსამზადებელი და სამობილიზაციო სამუშაოები და შესაბამსად პროექტის განხორციელება“,- აღნიშნა ირაკლი ქარსელაძემ.
